Voćni desert, pripremljen u čaši. Treba i oku ugoditi, zar ne?
U čašu sipati 2 kašike sjeckanih badema, preko 1 kašiku čia sjemenki prethodno potopljenih u pola šolje jogurta i preko jednu izblendanu japansku (kaki) jabuku ili neko drugo slatko voće.
Dekorisati listićima badema.
Prijatno!
Prva asocijacija na puding je onaj iz kesice, za kolače, zar ne?
Ali kad probate puding od prosa, uvjerena sam da ćete pribjegavati ovom načinu pripreme. Tim više, jer je zdraviji.
50g prosa isprati više puta u vodi pa ga kuvati 15-20 min u 250ml mlijeka. Pred kraj kuvanja dodati kašiku mljevenog rogača. Kad se prohladi, smjesu izblendati, dodati kašičicu meda i sok od pola narandže. Ohladiti u frižideru pola sata pa dekorisati drugom polovinom narandže prije konzumiranja.
Prijatno!
U 200 ml (biljnog) mlijeka otopiti 100g tamne čokolade, min 70% kakaa, pa dodati 4 kašike ovsenih pahuljica. Miješati dok proključa. Smjesu ujednačiti pa izliti u kalup. Ostaviti da se hladi dok pripremate fil.
Pola kesice (5g) goveđeg želatina pripremiti po upustvu proizvođača.
U šerpicu staviti 150g zaleđenih višanja ili nekog drugog voća,malo krčkati da omekšaju pa dodati želatin. Skinuti sa ringle. Kad se smjesa malo prohladi dodati 2 kašike meda. Preliti preko prvog sloja kolača.
Služiti nakon što se fil stegne.
Sastojci za smjesu: 200g očišćenih svježih datulja, 120g kikiriki putera i 2 kašike kakaa. Sjediniti pa formirati kuglice. Unutra možete dodati svježu ili zaleđenu višnju ili lješnik/badem. Preliti istopljenom tamnom čokoladom, dekoristai po želji.
Sjediniti dvije ispasirane zrelije banane, 50 g mljevenih ovsenih pahuljica, 2 kašike kikiriki putera, 50g mljevenog neslanog kikirikija, 50g sjeckane tamne čokolade. Rastanjiti na pek papiru, na debljinu od 0.5 cm, posuti grubo mljevenim kikirikijem pa peći na 200°C 20-tak min.
U blenderu samljeti 150g lješnika i 4 supene kašike goji bobica. Istresti u zdjelu, pa dodati 8 isjeckanih svježih datulja prethodno očišćenih od košpica i oguljenih, 4 supene kašike kakao praha i 2 supene kašike kokosovog ulja. Smjesu ujednačiti, formirati kuglice, uvaljati u kokos ili mljeveni lješnik.
500g svježih datulja (urmi) kratko potopiti u mlaku vodu, oguliti ih i povaditi košpice. 200g lješnika kratko ispeći u rerni 10-tak min na 180 stepeni pa ih samljeti kad se prohlade. Zatim ih u blenderu sjediniti sa datuljama, 2 supene kašike kakao praha, 1 kafenom kašičicom cimeta i 2 kašike prokuvane i ohlađene vode.
Spakovati u staklenu teglicui čuvati u frižideru.
Mikserom umutiti 2 jaja. Dodati 2 kašike meda ili sirupa od agave, 1/2 praška za pecivo, 2 ispasirane banane, 2 kašike rogača, 100g izrendane mrkve, 150g mljevenih orašastih plodova, 1 kašiku maslinovog ulja. Izmiješati polako kašikom, sipati smjesu u papirne kalupe za mafine (koje ćete opet staviti u metalne kalupe) i peći 20-tak min na 180 stepeni. Ukrasiti rendanom mrkvom i čokoladom.
Zlatno mlijeko je idealan napitak za hladnije jesenje i zimske dane. Aktivni sastojci ovog napitka djeluju kao snažni antioksidansi, antiinflamatori i imunostimulansi te popravljaju raspoloženje.
U mlijeko dodati med i kurkumu. Izmiješati. Zatim dodati cimet, đumbir i biber. Ponovo promiješati, zagrijati do ključanja pa onda još malo kuvati, oko minut. Procijediti i piti toplo. Biber obavezno dodati jer znatno pojačava apsorpciju i dejstvo sastojaka kurkume!
Potrebno:
3 kašike čia sjemenki
150 ml mlijeka ili jogurta
Šaka voća
Čia sjemenke natopiti u mlijeku ili jogurtu i ostaviti u frižideru preko noći.
Sutradan dodati voće i ukrasiti istim. Prijatno!
Kombinacije su brojne. Možete dodati orašasto ili suvo voće, domaći musli, komadiće crne čokolade ili kašičicu meda. Samo pazite na količinu dodataka, manje je ponekad više!
Domaći musli ili granola je nešto što trebate uvijek imati u kuhinji. Lako se priprema, može dugo da stoji a uvijek imate čim da se zasladite ili da Vam posluži kao konkretan obrok uz jogurt recimo. Svakako savjetujem da se izbjegavaju gotovi industrijski proizvodi jer često sadrže nepoželjne sastojke.
Suve sastojke osim voća sjediniti pa izmiješati sa 50 ml maslinovog ulja, 50ml vode i 1-2 kašike meda.
Istresti na pek papir u veliku tepsiju i peći na 150°C, uz povremeno miješanje 20-tak min dok porumeni. Kad se ohladi, dodati suvo voće. Možete čak nasjeckati i malo tamne čokolade (min 70% kakao). Uspremite u staklenu ili limenu posudu.
Kombinacije su zaista brojne.
Kada kombinjete po Vašoj želji ili od onoga što imate, sjemenke i orašasto voće umiješajte prije pečenja a suvo voće ili komadiće tamne čokolade posle, kad se ohladi.
Med ne morate dodavati, ukoliko vam ne odgovara, tečni sastojci mogu biti voda i ulje.
Domaći musli možete grickati, umiješati u jogurt ili mlijeko, dodati u smuti, puding i sl.
Prijatno!
Pomiješati 3 kašike tahini paste, 2 kašike rogača u prahu, 1 kašiku cimeta, 1 kašiku kakao praha i 1 kašiku meda ili nekog drugog prirodnog zaslađivača (stevija, javor ili agava sirup). Korigovati slatkoću po želji.
Uz integralni hljeb!
U blenderu sjediniti 1 isjeckanu bananu, 100 ml mlijeka, 1 supenu kašiku mljevenog rogača, 1 supenu kašiku mljevenih lješnika i malu kašičicu meda.
Izblendati i sipati u čašu. Ukrasiti bobičastim voćem.
Smjesu napraviti od 2dl mlake vode, 1 šolje speltinog brašna, malo soli, 1 supena kašika praška za pecivo, 1 kafena kašičica sode bikarbone.
Palačinke peći na zagrijanoj teflonskoj tavi na laganijoj temperaturi. Mjera za jednu palačinku je jedna supena kašika smjese.
Premazati domaćim džemom ili medom, ukrasiti suvim i orašastim voćem.
Kuvana pšenica može biti odlična užina. Bez zaslađivanja, samo dodati kašiku mljevenih oraha i šaku suvog voća (grožđice, brusnice, smokve, datulje ili šljive).
© 2022 www.nutrikod.com
